Жорий йилги “Катта Дубулға” туркумига кирувчи US Open турнири ғолибаси Флавия Пеннетта расман профессионал теннисчилик фаолиятини якунлади.

Сингапурда давом этаётган WTA`нинг якуний турнири “Қизил” гуруҳида қатнашган италиялик теннисчи учинчи тур учрашувида россиялик Мария Шараповага 5:7, 1:6 ҳисобида имкониятни бой берди.

Бу билан Пеннетта гуруҳда сўнгги ўринни эгаллади ва ярим финалга чиқа олмади. Айнан Шараповага қарши кечган учрашув 33 ёшли Флавиянинг фаолиятидаги сўнгги баҳс бўлиб қолди. Флавия Пеннетта фаолияти давомида 11та яккалик, 17та жуфтлик турнирларида бош мукофотни қўлга киритган. Норасмий жаҳон чемпионати ҳисобланган Федерация Кубогининг тўрт карра ғолиби ҳисобланади.