Флоридада фавқулодда вазиятга учраган Boeing самолёти йўловчиларини эвакуация қилиш пайтида 21 киши жабрланди

Жаҳон 30 Октябрь 2015 1159

АҚШнинг Флорида штатидаги Форт-Лодердейл аэропортида 29 октябрда Boeing 767 самолёти чап двигателининг ёниб кетишидан кейин йўловчилар эвакуация қилинаётган пайтда 21 киши жароҳат олди. Бу ҳақда аэропорт жойлашган Броуард округи ўт ўчириш-қутқарув бошқармаси маълум қилди.

Бир эркак йўловчи эвакуация пайтида учиш-қўниш полосасидан югуриб кетаётганда қоқилиб кетиб, бошидан жиддий жароҳат олган. Аввалроқ 15 киши жароҳат олгани маълум қилинганди.

Dynamic Airways авиакомпаниясига тегишли Boeing 767 самолёти чап двигатели самолёт Каракасга учишга ҳозирлик кўраётганда, учиш-қўниш полосасида бўлганда ёниб кетган. Учиш-қўниш полосасига чиққан бошқа самолётлар учувчилари самолётнинг чап двигателидан ёқилғи оқаётганини кўриб, бу ҳақда нозирларга хабар беришган. Ёнғин оқибатида двигатель ва чап қанот бутунлай ёниб кетган. Йўловчилар самолётни ҳаво тўлдирилган траплар орқали тарк этишган.

Dynamic Airways компаниясида маълум қилинишича, самолётда 110 нафар йўловчи ва 9 нафар экипаж аъзоси бўлган. Гувоҳларнинг айтишича, экипаж аъзолари бу вазиятда ўзларини босиқ тутиб, тезкорлик ҳамда уюшқоқлик билан ҳаракат қилишган.

Маълум қилинишича, воқеани тергов қилиш учун АҚШ Федерал авиация бошқармаси, Boeing компанияси, двигателлар ишлаб чиқарувчи Pratt&Whitney компанияси ва Dynamic Airways авиакомпанияси вакилларидан иборат комиссия тузилган.

CNN телеканалининг маълум қилишича, самолёт 29 йил аввал қурилган бўлиб, охирги марта жорий йилнинг июнида техник кўрикдан ўтган. Айнан ўшанда ёниб кетган двигатель алмаштирилган. У бор-йўғи 200 соат эксплуатация қилинган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 29636 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 16020 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 63920 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56939 Жамият
Ҳиндистонда йўловчи поезди вагонлари рельслардан чиқиб кетди, жабрланувчилар кўп 
09:19 22 Жаҳон
Демократлар Трампнинг эҳтимолий рақобатчилари ҳақида маълум йиғмоқда
09:11 41 Жаҳон
Аргентина олий суди собиқ президентга қарши давлатга хиёнат бўйича терговни қўллаб-қувватлади
09:09 250 Жаҳон
Мексика жанубида тутқунликдаги 37 нафар гватемалик муҳожир озод қилинди
09:04 94 Жаҳон
McDonalds Ҳиндистондаги 170 га яқин ресторанини ёпади
08:57 962 Жаҳон
Пентагон раҳбари Украинага келмоқда: қандай ўзгаришлар кутилмоқда?
08:51 638 Жаҳон
Кўпроқ янгиликлар