Google компанияси 2017 йилга қадар Chrome OS ва Android операцион тизимларини бирлаштиришни режалаштирмоқда, деб ёзмоқда The Wall Street Journal.

Манба берган маълумотга кўра, Google мутахассислари 2 йилдан бери операцион тизимларни бирлаштириш устида иш олиб бормоқда. Компания операцион тизимнинг биринчи кўринишини 2016 йилда намойиш қилмоқчи. Фойдаланувчилар учун у 2017 йилда тақдим этилади.

Маълум қилинишича, Google икки операцион тизимнинг бирлашган ҳолатига янги ном бермоқчи.