МДҲ ҳукуматлари раҳбарлари Душанбеда 40та ҳужжатни имзолашди

Жаҳон 30 Октябрь 2015 7395

Мустақил давлатлар ҳамдўстлиги ҳукуматлари раҳбарлари Тожикистон пойтахти Душанбе шаҳрида 40та ҳужжатни имзолашди. Бу ҳақда Sputnik агентлиги хабар берди.

Йиғилишда ҳаво ҳужумидан мудофаа, шунингдек, савдо-иқтисодий ҳамкорлик, гуманитар алоқалар, молиявий ва ижтимоий-иқтисодий соҳалар, ҳуқуқни ҳимоя қилиш борасида ҳамкорликка оид қатор ҳужжатлар имзоланди.

Жумладан, ҳукуматлар раҳбарлари 2011 йил 18 октябрда қабул қилинган Эркин савдо зонаси тўғрисидаги Шартномани қўллаш Баённомаси ҳақидаги қарор ва 2020 йилга қадар МДҲ Иқтисодий тараққиёти стратегиясининг учинчи босқичини амалга ошириш бўйича чора-тадбирлар режасини тасдиқлашди.

Фавқулодда ҳолатлардан огоҳлантириш ва уларнинг оқибатларини бартараф этиш соҳасида ҳамкорлик, шунингдек, МДҲ давлатларининг ҳаво ҳужумидан мудофаа бирлашган тизимини ташкил этиш ва ривожлантиришнинг молиявий истиқболлари ҳамда МДҲ давлатлари Мудофаа вазирлари кенгаши қошидаги ҳаво ҳужумидан мудофаа масалалари бўйича мувофиқлаштирувчи қўмита фаолиятини таъминлашга бағишланган ҳужжатларга имзо қўйилди.

Шу билан бир қаторда, йиғилиш якунларига кўра, МДҲ давлатларида халқаро электр алоқаси хизматини кўрсатиш борасида операторлараро ҳисоб-китобни амалга ошириш шароитлари тўғрисида келишув лойиҳаси тасдиқланди.

Шунингдек, 2020 йилгача бўлган давр мобайнида транспорт воситалари учун мотор ёнилғиси ўрнида табиий газдан фойдаланишни ривожлантириш ва рағбатлантиришга йўналтирилган комплекс чора-тадбирлар лойиҳаси қабул қилинди.

Мазкур учрашувда Ўзбекистон ҳукумати вакили Адҳам Икрамов бошчилигидаги ўзбек делегацияси иштирок этди.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34148 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72393 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10510 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 136519 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 61 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 391 Жамият
Виталий Денисов футболга қайтганидан хурсанд
02:29 185 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 339 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар