Россия ФИФА билан 2018 йилги мундиал мезбонлиги ҳуқуқини қўлга киритиш бўйича "сирли савдо" олиб бормаган. Бу ҳақда Россия футбол вазири Виталий Мутко маълум қилди.

Бугун, ФИФА президенти Йозеф Блаттер The Financial Times нашрига берган интервьюсида ЖЧ-2018 мезбонлиги овоз бериш тизимини қалбакилаштирувчилар ва ташкилот раҳбарлари ўртасидаги сирли савдолар эвазига Россияга олиб берганини маълум қилди.

Блаттернинг сўзларига кўра, ЖЧ-2018 ва ЖЧ-2022 иккита етакчи давлат — Россия ва АҚШга олиб берилиши керак бўлган. Бироқ сўнгги дақиқаларда ўша пайтда Франция президенти лавозимида ўтирган Николя Саркози УЕФА президенти Мишель Платинини АҚШни эмас, Қатар вариантини қўллаб-қувватлашга кўндирган.

"Биз ўзимизга муаммолар пайдо қиламиз. Аниқ ва исботсиз гаплар. Агар бу интервьюни таҳлил қиладиган бўлсак, инглиз матбуоти Блаттернинг гапларини бузиб талқин қилганини кўришимиз мумкин. Ахир ҳеч қандай келишув бўлмаган", дейди Мутко.

"Менда битта овоз бериш ҳуқуқи бўлган ва бундан ўз истагим бўйича фойдаланганман. Бошқа жиҳатлар ҳақида гапиришни истамайман. Айтишим мумкинки, инглиз ва испан тилида гаплашиладиган 7та давлат вакиллари бизга қарши овоз берганди. Шундай ҳолатда қандай келишув бўлиши мумкин? Ахир Ғарбни биласизку. Масалан, улар бугун Россиянинг дўсти фақат Эрон ва Сурия экани ҳақида айтишди. Улар учун энг асосийси бизни айблаш", дея қўшимча қилади Мутко.