"Реал" жамоасининг португалиялик ҳужумчиси Англияга қайтиши мумкин. Бу ҳақда футболчининг дўсти Жозе Семедуга асосланиб, Talksport хабар тарқатган.

"У Мадридда жуда бахтиёр. Лекин у инглиз футболини ва англияликларни ёқтиради. У фаолияти охиригача Испанияда қолмоқчи эмас. Унга қолса, "Реал" билан биргаликда АПЛда қатнашишни истайди. Бунинг иложи йўқ экан, у Англияга қайтади", деди Семеду.

Маълумот учун, 30 ёшли Семедунинг ўзи чемпионшип вакили "Шеффилд Уэнсдей"да ўйнайди. У ўз вақтида Роналду билан бирга "Спортинг" сафида бўлганди.

Сентябрь ойида Роналду "Реал"ни тарк этиш ниятида экани, унинг "МЮ"га ёки "ПСЖ"га ўтиши мумкинлиги ҳақида хабарлар берилганди.

Маълумот учун, футболчининг "Реал" билан шартномаси 2018 йилгача тузилган. У "Реал" сафига 2009 йилда "МЮ"дан 96 млн евро эвазига келиб қўшилган, унгача Англияда 6 йил давомида фаолият кўрсатганди.