ХХР ТИВ ўринбосари Лю Чжэньминь Хитой Гаагадаги ҳакамлик суди доимий палатасининг Жанубий Хитой денгизидаги ҳудудий баҳслар бўйича халқаро арбитражида иштирок этишдан ва унинг ҳукмини қабул қилишдан бош тортди. Бу ҳақда Reuters агентлиги хабар бермоқда.

“Филиппиннинг Гаагадаги халқаро арбитражга мурожаатига келсак, 2013 йилдан бошлаб охирги 2-3 мобайнида Хитойнинг бу борадаги позицияси аниқ-тиниқдир. Хитой бу арбитражда иштирок этмайди ва уни тан олмайди”, - деди дипломат.

Унинг сўзларига қараганда, Гаага судининг бу борада юрисдикцияси мавжудлиги ҳақидаги қарори Хитой манфаатларини инобатга олмаган ҳолда қабул қилинган, Филиппин эса бу ишни фақатгина ХХРни ҳуқуқларидан маҳрум қилиш учун бошламоқда.