“Ўзбекнаво” эстрада бирлашмаси ташаббуси билан оммавий маданиятни тарғиб қилаётгани ёки миллий менталитетимизга мос келмаслиги сабабли 25та клип миллий телеканаллар эфиридан олиб ташланди.

Бу ҳақда “Ўзбекнаво” эстрада бирлашмаси лицензия бўлими бошлиғи Одилжон Абдуқаххоров Kun.uz сайтига берган интервьюсида маълум қилди.
Унинг таъкидлашича, 2015 йилнинг 10 ойи давомида марказий телеканаллар орқали эфирга узатилаётган 25та клипда оммавий маданиятни тарғиб қилиш, миллий менталитетимизга зид ҳолатлар аниқлангани сабабли улар намойиши бекор қилинди.

Жумладан, Жасур Умиров, Лола Йўлдошева, Cамир сингари хонандаларнинг қўшиқларига ишланган клиплар эфирдан олинди.
Мазкур интервьюнинг тўлиқ матнини яқин вақтлар ичида сайтимиз орқали ўқишингиз мумкин.