АҚШ миллий разведкаси директори Жеймс Клеппернинг фикрича, Кремлнинг Суриядаги ҳаракатларининг кучайтирилиши Россия президенти Владимир Путиннинг пухта ўйланган режаси билан эмас, балки “импровизацияси” билан боғлиқ, деб хабар берди CNN телеканали.

Клеппердан “Россия етакчисида Сурия бўйича режа борми?” деб сўралганда, “Мен унда шундай режа бор деб ишонч билан айта олмайман. Фикримча, у кундан-кунда импровизация қилмоқда”, дея жавоб берди.

Клеппернинг айтишича, АҚШ ҳукумати Обама бошчилигида Россиянинг Суриядаги иштирокига тайёр эдилар. “Биз бу ҳақда жуда яхши билардик, операция қачон бошланишини улар бошланишидан анча олдинроқ билардик”, деб айтди Клеппер.