Биринчи ярим йилликда тўрт нафар БМТ ходимини ахлоқсизликлари сабаб ишдан бўшатишди. Улардан уч нафари болалар порнографик видео маҳсулотини сақлаган, бир нафари эса марихуана гиёҳванд моддасининг олди-бердиси билан шуғулланган, дея хабар бермоқда Reuters агентлиги.

Бу ҳақда ташкилотнинг 188 мамлакатдаги бўлимларида аниқланган жиноят ҳолатлари бўйича ярим йиллик ҳисоботида қайд этилган. Юқорида келтирилган ҳолатлар айнан қайси мамлакатларда кузатилгани тўғрисида БМТ ойдинлик киритмаган.

Аввалроқ БМТнинг Марказий Африка Республикасидаги махсус вакили Бабакар Гай мамлакатда француз тинчликпарварлари томонидан болаларнинг зўрланиши ҳолати бўйича юзага келган можаро сабабли истъефога чиқариб юборилган эди.