Саудиа Арабистони ҳукуматининг хабар беришича, Мисрда қулаган Россия самолёти бортидаги йўловчилар орасида 214 нафар россиялик ва 3 нафар украиналик фуқаро бўлган. 217 нафар йўловчидан 138 нафари аёл, 62 нафари эркак ва 17 нафари болалар бўлган, деб хабар берди Reuters ахборот агентлиги.

Минск берган дастлабки маълумотларга кўра, қурбонлар орасида беларуслик фуқаро ҳам бўлган.
Самолёт экипажи 7 кишидан иборат бўлган.
31 октябрда Россиянинг Мисрдаги консуллигидаги манба самолётда Brisko ва Odeon Tours туроператорларининг мижозлари бўлганини маълум қилди.

«Когалымавиа» авиакомпаниясининг Airbus A321 самолёти Тошкент вақти билан 08:51да парвозга кўтарилган. Самолёт 09:14да Ларнка (Кипр) билан алоқага чиқмаган ва радарлар экранидан самолётни кўрсатувчи белги йўқолиб қолган. Самолёт Синай ярим оролига қулаб тушган.

Баъзи тахминларга кўра, фалокатга техник носозликлар олиб келган (самолёт экипажи бир неча бор двигателда муаммолар борлигидан шикоят қилган). Самолёт қолдиқлари топилган жойда қутқарувчилар иш олиб бормоқда.