Қутқарувчилар Россия самолётининг Синай яриморолидаги ал-Аришадан жануброқда ҳалокатга учраганини аниқлади. Бу ҳақда Миср Авиация вазирлиги маълум қилди.

"Ҳарбий самолётлар самолёт парчаларини аниқлашди... тоғли ҳудудда, ҳалок бўлганлар ва жароҳатланганларни фавқулодда ҳолат ҳудудидан эвакуация қилиш мақсадида 45 дона тез тиббий ёрдам машинаси йўналтирилди”, - дея иқтибос келтирмоқда Миср давлат агентлиги.

Эслатиб ўтамиз, бугун, 31 октябрь куни Миср вақти билан 6:51 да (Тошкент вақти билан 9:51) Россиянинг "Когалимавиа" авиакомпаниясига тегишли Шарм аш-Шайх — Санкт-Петербург йўналиши бўйича 9268 рейсини амалга ошираётган Airbus-321 лайнери парвозга кўтарилгандан 23 дақиқа ўтиб радарлар экранидан йўқолди. Мазкур самолёт бортида 217 нафар йўловчи ва етти нафар экипаж аъзоси бўлган.