АҚШ Демократик партияси аъзолари 30 октябрда АҚШ президенти Барак Обаманинг Сурияга махсус қўшинларни юборишга қарор қилганини танқид қилишди. Обама партиядошларининг норозилигига Вашингтоннинг ҳарбий ихтилофлардаги иштирокига чек қўйишга ваъда берган Обаманинг Суриядаги ҳарбий операцияни чўзиб юборгани сабаб бўлди. Кўпчилик демократлар Обама бундай қадамни Сурияда аниқ стратегияга эга бўлмай туриб амалга оширган, деган фикрга келмоқдалар.

АҚШ Конгресси сенатининг хорижий ишлар бўйича қўмитаси аъзоси Крис Мерфи АҚШ махсус қўшинларининг Сурияга юборилиши АҚШни “чеки ва охири кўринмаётган Суриядаги фуқаролик урушига” тортмоқда. Мерфи ва бошқа демократлар Вашингтон Сурияга америкалик ҳарбийларнинг кичик гуруҳини юбориб, мамлакатни Сурия президенти Башар Асад билан ошиқчасига ҳарбий қарама-қаршиликка жалб қилиши хавфига солмоқда.

Демократларнинг фикрича, президентнинг бу қарори унинг 2013 йил 10 сентябрда айтган сўзларига умуман зиддир. “Мен Сурияга АҚШ қуруқликдаги кучларини юбормоқчи эмасман. Мен Сурияда Ироқ ва Афғонистондаги каби муддатсиз миссияларни ўтказмайман”, деб айтганди ўшанда Обама.

Сенатор Брайан Шатц (Гавайи ороли вакили) қўшинларнинг юборилишини “стратегик хато” деб атади. Бу қарор “АҚШ ташқи сиёсатида анчагина ўзгаришлар бўлганини кўрсатади”. “Бу ўзгаришлар Конгрессда дебатларсиз ўтмоқда ва ИШИДга қарши курашдаги мақсадига эришиши даргумон. Бунинг ўрнига АҚШга Суриядаги фуқаролик урушига тортиш билан хавф солмоқда”, деб айтди Шульц.