2015 йилнинг 2 ноябрь куни Тошкент шаҳрида Ўзбекистон-Италия вазирликлараро сиёсий маслаҳатлашувларнинг навбатдаги раунди бўлиб ўтади. Бу ҳақда Ўзбекистон Республикаси Ташқи ишлар вазирлиги матбуот хизмати хабар қилди.

Италия Республикаси делегациясига Ташқи ишлар ва халқаро ҳамкорлик вазирлиги бош котиби Микеле Валенсизе бошчилик қилади.
Эслатиб ўтамиз, 2015 йилнинг 26 сентябрь куни Нью-Йорк шаҳрида Ўзбекистон Республикаси делегациясининг БМТ Бош Ассамблеяси 70-сессияси ишида иштироки доирасида ташқи ишлар вазири Абдулазиз Комилов Италия Республикаси ташқи ишлар ва халқаро ҳамкорлик вазири Паоло Жентилони билан икки томонлама учрашув ўтказди.

Мазкур учрашув давомида турли даражадаги алоқаларни фаоллаштириш, жумладан, навбатдаги сиёсий маслаҳатлашувларни ва ҳамкорликнинг қўшма институтлари мажлисларини ўтказиш муддатлари бўйича таклифлар кўриб чиқилган эди.