Россия президенти Владимир Путин Мисрнинг Синай яриморолида ҳалокатга учраган Airbus-321 лайнерининг вафот этган йўловчилари яқинларига ўз ҳамдардлигини билдирди. Бу ҳақда Кремль хабар қилди.

Бундан аввалроқ эса Путин Мисрда Россия самолётининг фалокатга учрагани юзасидан махсус давлат комиссиясини тузиш тўғрисида кўрсатма берган эди.

Эслатиб ўтамиз, бугун, 31 октябрь куни Миср вақти билан 6:51 да (Тошкент вақти билан 9:51) Россиянинг "Когалимавиа" авиакомпаниясига тегишли Шарм аш-Шайх — Санкт-Петербург йўналиши бўйича 9268 рейсини амалга ошираётган Airbus-321 лайнери парвозга кўтарилгандан 23 дақиқа ўтиб радарлар экранидан йўқолди. Мазкур самолёт бортида 217 нафар йўловчи ва етти нафар экипаж аъзоси бўлган. Уларнинг барчаси 18 ёшдан катта экани хабар қилинмоқда.