“Когалымавиа” авиакомпаниясига тегишли самолётнинг Мисрда фалокатга учраган жойининг дастлабки текширувидан кейин олинган маълумотларга кўра, самолёт техник носозлик туфайли фалокатга учраган. Бу ҳақда Мисрнинг Шимолий Синай вилояти хавфсизлик хизматидаги манбага иқтибос келтирган ҳолда Reuters ахборот агентлиги маълум қилди.

Аввалроқ Airbus компанияси Франциянинг фалокатларни тергов қилиш бюроси ва самолётнинг фалокатини тергов қилишга жавоб берувчи расмийларга ҳар томонлама техник кўмак бериши маълум қилинганди.

Самолёт қолдиқлари Мисрнинг Синай яриморолининг марказий қисмида топилган. Маълум қилинишича, самолётдаги барча одамлар ҳалок бўлган.