Миср ҳукумати Россия самолётнинг Синай марказий қисмида қулаб тушганини расман тасдиқлади, дея хабар бермоқда Рейтер агентлиги.
Ҳукуматнинг расмий баёнотида келтирилишича, мамлакат бош вазири Шариф Исмоил лайнер фалокати бўйича инқироз қўмитасини ташкил этди.

Эслатиб ўтамиз, бугун, 31 октябрь куни Россиянинг "Когалимавиа" авиакомпаниясига тегишли Шарм аш-Шайх — Санкт-Петербург йўналиши бўйича 9268 рейсини амалга ошираётган Airbus-321 лайнери парвозга кўтарилгандан 23 дақиқа ўтиб радарлар экранидан йўқолди. Мазкур самолёт бортида 217 нафар йўловчи ва етти нафар экипаж аъзоси бўлган.