Бугун Россия тарихидаги энг қора кунлардан бўлди. Бугун рус оналарию оталарининг, ака-укалару опа-сингилларнинг, севикли ёрлару фарзандларнинг нигоҳи осмоннинг қат-қатига мангуга тикилиб қолди...

Қуйида воқеалар ривожи билан танишишингиз мумкин

Шарм-Аш-Шайхдан Санкт-Петербургга учган самолёт радарлардан йўқолди>>

Росавиация агентлигининг хабар беришича, "Когалимавиа" авиакомпаниясига тегишли Airbus Ларнаки тумани ҳудудида радарлар экранидан ғойиб бўлди. Бу ҳақда РИА “Новости” агентлиги хабар берди.

Миср бош вазири Россия самолётининг йўқолгани сабабли барча ташрифларини бекор қилди>>

Миср бош вазири Шариф Исмоил Синай яриморолида Россия йўловчи самолётнинг қулагани тўғрисидаги хабарлар сабабли 31 октябрга режалаштирилган барча ташрифларини бекор қилди, дея хабар бермоқда Мисрнинг МЕНА ахборот агентлиги.

Рейтер: Миср Россия самолётнинг қулаб тушганини расман тасдиқлади>>

Миср ҳукумати Россия самолётнинг Синай марказий қисмида қулаб тушганини расман тасдиқлади, дея хабар бермоқда Рейтер агентлиги.

Манба: Ҳалокатга учраган Россия самолёти учувчиси Қоҳирага қўнишни сўраган>>

“Шарм аш-Шайх — Санкт-Петербург” рейси бўйича парвоз қилиб, ҳалокатга учраган Россия самолётининг учувчиси парвозга кўтарилганидан сўнг техник носозлик сабабли йўналишни ўзгартириш ва Қоҳира аэропортига қўнишни сўраган.

ОАВ: Қутқарувчилар Россия самолётининг ҳалокатга учраган эҳтимолий жойини аниқлашди>>

Қутқарувчилар Россия самолётининг Синай яриморолидаги ал-Аришадан жануброқда ҳалокатга учраганини аниқлади. Бу ҳақда Миср Авиация вазирлиги маълум қилди.

ТВ: Миср бош вазири йўловчи самолёти қулаган жойга йўл олди>>

Миср бош вазири Шариф Исмоил йўловчи самолёти қулаган жойга йўл олди. Бу ҳақда Миср телевидениеси хабар қилди.

Путин A321 фалокатида оламдан ўтганларнинг яқинларига ҳамдардлик билдирди>>

Россия президенти Владимир Путин Мисрнинг Синай яриморолида ҳалокатга учраган Airbus-321 лайнерининг вафот этган йўловчилари яқинларига ўз ҳамдардлигини билдирди. Бу ҳақда Кремль хабар қилди.

Синайда ҳалокатга учраган Россия самолётининг “қора қути”лари топилди>>

Мисрнинг Синай яримороли ҳудудида фалокатга учраган Россия йўловчи самолётининг “қора қути”лари аниқланди, дея хабар бермоқда Al Jazeera телеканали.

Россия Премьер-лигасининг 14-тур ўйинлари бир дақиқалик сукут билан бошланади>>

Футбол бўйича Россия Премьер-лигасининг 14-туридан ўрин олган барча ўйинлар Мисрда ҳалокатга учраганлар хотираси учун бир дақиқалик сукут сақланиши билан бошланади. Бу ҳақда РФПЛ расмий сайтида хабар қилинди.

Исроил ҳарбийлари Мисрга ҳалокатга учраган самолётни қидириш ишларида кўмаклашди>>

Исроил ҳарбийлари Синай яриморолида ҳалокатга учраган Россия самолётини қидириш ишларида иштирок этди, дея хабар бермоқда “Интерфакс”.

Синайда ҳалокатга учраган самолёт аввал Ливан, Туркия ва Саудия авикомпаниялари тасарруфида бўлган>>

Мисрда фалокатга дучор бўлган Россиянинг "Когалимавиа" авиакомпаниясига тегишли А320 самолёти ўзининг биринчи парвозини бундан 18,5 йил муқаддам амалга оширган. Бу ҳақда Airfleets.net интернет-портали маълумотлари гувоҳлик бермоқда.

Путин 1 ноябрни Россияда мотам куни деб эълон қилди>>

Президент Владимир Путин Мисрда ҳалокатга учраган Россия самолёти сабаб 1 ноябрни мамлакатда мотам куни, деб эълон қилди. Мамлакат раҳбари шу мазмундаги қарорга имзо чекди, деб хабар қилмоқда Кремль расмий сайти.

Мисрда ҳалокатга учраган Россия самолётининг учувчиси Эл Аришга қўниш учун рухсат сўраган>>

Ҳалокатга учраган Россия лайнери Airbus-321 Синайнинг шимолида жойлашган Эл Ариш шаҳрига фавқулодда қўниш учун рухсат сўраган, деб хабар бермоқда “Интерфакс”.

ОАВ: Мисрда фалокатга учраган самолёт ҳавода ёниб кетган>>

Миср ОАВлари гувоҳларга иқтибос келтирган ҳолда Шарм-ал-Шайҳдан Санкт-Петербургга 9268 рейси бўйича парвоз қилаётган пайтда фалокатга учраган Россиянинг “Когалымавиа” авиакомпаниясига тегишли Airbus 321 самолёти қулаши олдидан ҳавода ёниб кетган. Бу ҳақда Reuters ахборот агентлиги хабар бермоқда.

Мисрда юз берган фалокат Россия авиацияси тарихидаги энг йириги бўлди>>

Мисрда Россия авиакомпаниясига тегишли Airbus 321 самолётининг фалокати ҳалок бўлганлар сони бўйича Россия авиацияси тарихидаги энг йириги бўлди. Бундан очиқ манбалардан олинган маълумотлар дарак бермоқда.

Россия самолётининг авиаҳалокатидан ҳеч ким омон қолмади>>

Мисрда ҳалокатга учраган Россия самолёти йўловчилари орасидан ҳеч ким тирик қолмади. Бу ҳақда Миср ҳукумати манбасига асосланиб, Ассошиэйтед Пресс агентлиги хабар бермоқда.

Мисрда фалокатга учраган самолётнинг “қора қутилари” Россияда ўқилади>>

Мисрда фалокатга учраган Airbus 321 самолётининг борт ёзгичлари (қора қутилари) Россияда ўқилади, деб айтди фалокат оқибатларини бартараф қилиш бўйича тезкор штабдаги манба.