Сурияда сиёсий ислоҳотларни ўтказиш билан шуғулланадиган миллий муваққат кенгаш ярим йил давомида шакллантирилиши лозим. Саудия Арабистони Ташқи ишлар вазири Одил ал-Жубайр ушбу баёнот билан чиқди, дея хабар бермоқда РИА “Новости”.

Ал-Жубайрнинг сўзларига кўра, янги кенгаш таркибига бутун Сурия жамияти вакиллари кириши лозим ва улар олдига янги конституцияни ишлаб чиқиш ҳамда сайловларга тайёргарлик кўриш вазифаси топширилади. Мазкур вазифалар ярим йилдан икки йилгача муддат давомида амалга оширилиши керак.

Саудия ташқи сиёсати муассасаси раҳбари келгуси учрашувларда муҳокама қилинадиган иккита ечимини топмаган масалага ҳам эътибор қаратди: Башар Асаднинг Сурия президентлиги лавозимида қолиши ва мамлакат ҳудудидан Эрон қўшинларининг олиб чиқилиши. “Асад Сурияда ҳокимият ўзгариши жараёнида кетиши керак, унинг ўртасида эмас”, - дея қайд этди вазир.