АҚШ Мудофаа вазирлигида Суриядаги махсус қўшинларининг ҳимоясини таъминлаш бўйича режа бор, дея хабар бермоқда РИА “Новости” Оқ уй матбуот котиби Жош Эрнест мурожаатига асосланган ҳолда.

“Улар талаб қилинган тақдирда ўзларини ҳимоя қилиш учун барча зарур жиҳозлар билан таъминланган. Мен ушбу хавфли дунёда рўй бериш эҳтимоли катта бўлган кутилмаган вазиятлар юзага келган тақдирда, уларнинг ҳимоясини таъминлаш бўйича Пентагоннинг ўз режаси борлигига аминман”, - деди Эрнест брифингда.

Аввалроқ Қўшма Штатлар Сурияга махсус амалиётлар бўйича маслаҳатчи сифатидаги мутахассисларнинг кичик гуруҳини жойлаштиришга тайёргарлик кўраётгани хабар қилинган эди. АҚШ маъмурияти вакилининг қайд этишича, ҳарбийлар консультатив хизматларни кўрсатиб, улар сони 20-30 нафарни ташкил этади.