Руминия пойтахти Бухарест марказидаги машҳур тунги клублардан бирида 31 октябрга ўтар кечаси содир бўлган ёнғин натижасида қурбон бўлганлар сони 27 кишини ташкил этди. Бу ҳақда Руминия ИИВ бош котиби Риёд Арафотга асосланиб, Руминиядаги Mediafax портали маълум қилди.

Бундан олдинги хабарларда, қурбонлар сони 27 нафарлиги, шунингдек 180 нафар атрофидаги киши жароҳатлангани айтилганди.

"Шифохонага олиб келинганлардан икки нафари (иккиси ҳам ёш қизлар) оламдан ўтди. Уларнинг аҳволи ўта оғир эди. Уларнинг шахси тасдиқланмаган", дейди Арафот.

30 октябрда бинонинг ертўласида жойлашган тунги клубда бепул рок-концерт ўтаётган бўлган. Концертга 400 га яқин ёшлар йиғилган. Дастлабки маълумотларга кўра, пиротехник шоу вақтида шифтдаги пенопластдан ясалган безак элементлари ёниб кетган. Оқибатда кучли тутунланганлик бошланган, сўнгра портлаш юз берган. Гувоҳларнинг айтишича, кўпчилик саросимада ягона чиқишга отилганлар ва у ерда тиқилинч юз берган. Маълум қилинишича, кўпчилик нафас сиқишдан ҳалок бўлган. Руминия ОАВларининг маълумотларига кўра, ҳалок бўлганлар орасида хорижликлар ҳам бўлган.

ИИВ раҳбари Опря фожиа сабаблари тергов қилина бошланганини маълум қилди. Ушбу фожиа муносабати билан 31 октябрда маҳаллий вақт билан соат 07:00да (Тошкент вақти билан 11:00да) Руминия Вазирлар маҳкамасининг шошилинч йиғилиши бўлиб ўтиши белгиланган.