2011-2015 йиллар мобайнида Жиззах вилоятининг Ғаллаорол тумани халқ таълими муассасалари фаолиятини методик таъминлаш ва ташкил этиш бўлимига қарашли мактаблардан бирида директор вазифасида ишлаб келган Рўзи Жуманов 24.85 млн сўм пулни ўзлаштиришда айбланиб суд қилинди. Бу ҳақда “Ҳуқуқ” нашри ёзмоқда.

Айтилишича, у асосан қариндошларининг номига маош расмийлаштириш йўли билан бу пулларни ўзиники қилиб олган. Жумладан, мактабда ишламаган укаси номига буйруқ чиқартириб, унга 320 минг ойлик маош тайинлаган. Келинини фаррош сифатида ишга расмийлаштириб, 449 минг сўм ойлик белгилаган. Ҳатто Россияда ишлаб юрган қариндоши Ф. Хидиров номига 2.785 млн сўм ойлик ёзган.

Мана шундай буйруқлар асосида у 15.422 млн сўм пулни ўзлаштирган.

Бундан ташқари, текширув давомида Рўзи Жуманов ўзига ва сохта ишчиларга рағбат пуллари ёзиб, 5 млн сўм пулни ўзлаштиргани аниқланган.