Германиянинг Кирххайм-унтер-Текк шаҳрида (Баден-Вюртемберг ери) ташкил қилинган аукционда Учинчи рейх асосчиси Адольф Гитлерга тегишли бўлган кумуш ашёлар сотувга қўйилди. Бу ҳақда Bild нашри хабар берган.

Маълум қилинишича, ким ошди савдолари Andreas Thies уйи томонидан ўтказилган.

Аукционга қўйилган буюмлар орасида кумуш баркаш, кумуш қадаҳлар ва кумуш портсигар бўлган. Бу буюмларнинг барчасига Учинчи рейх рамзлари ва Адольф Гитлерга тегишлиликни билдириб турувчи белги туширилган.

Ушбу савдо вақтида кумуш қадаҳ 1,8 минг евродан баҳоланган, кумуш ликопчаларнинг бошланғич нархи эса 2,5 минг евродан қилиб белгиланган. Портсигарга эса 25 минг евро.

Шунингдек, ушбу савдолар давомида Гитлернинг маҳбубаси бўлган Ева Брауннинг пардоз буюми ҳам қўйилган ва унинг бошланғич нархи 6000 евро бўлган.

Ушбу буюмлар охир-оқибат қанча пулга сотилгани ҳақида маълумот берилмаган. Бу буюмлар шу вақтгача ўз вақтида Гитлернинг қароргоҳларидан бири бўлган "Бергхоф" номли уйида (Бавариядаги тоғларда) сақланиб келган.