Жорий йилда АвтоВАЗда йиғилган ҳар битта машина компанияга 43 минг рублдан зарар келтирди

Жорий йилнинг 9 ойи учун АвтоВАЗнинг ҳисоботидан жорий йилда компанияда йиғилган ҳар битта машина унга 43 минг рублдан зарар келтиргани келиб чиқмоқда. 2014-2015 йилларда ходимларни оптималлаштириш ва етказиб берувчилар билан олиб борилаётган иш ҳозирча компанияни зиён кўрмасдан ишлашга олиб чиқмади.

Ҳисобот даврида компания умумий ҳисобда Lada, Renault, Nissan ва Datsun моделларидан 368 мингта ишлаб чиқарди ва 15,9 млрд рубллик соф зиён кўрди.

АвтоВАЗда битта йиғилган машина учун энг катта зиён 2009 йилда кўрилган эди, ўша йили бу кўрсаткич 170,6 минг рублни ташкил қилган. Шундан бери завод харажатларни камайтиришга ҳаракат қилиб келмоқда, жумладан ходимлар сонини қисқартирмоқда. 2014 йилда корхонанинг ишчилари сои 14,4 минг кишига, тахминан 50 минг кишигача қисқартирилган. Жорий йилда яна 1,1 минг кишини бўшатиш режалаштирилган.

Зиён кўрмаслик даражасига қайтиш учун корхона “самарали чораларни” амалга оширишга тайёргарлик кўрмоқда. Ушбу чоралар орасида харидларга харажатларни камайтириш, норентабел корхоналарни ёпиш, доимий ва ишчи кучига харажатларни камайтириш каби чоралар бор.

АвтоВАЗнинг жорий йилнинг январь-сентябрь ойларидаги тушуми 131,2 млрд долларни ташкил қилди. Асосий фаолиятдан кўрилган зарар 45 фоизга ўсиб, 14,5 млрд рублни ташкил қилган.

Маълумот учун, АвтоВАЗнинг 74,5 фоиз акцияси Alliance Rostec Auto B.V компаниясига тегишли. Ўз навбатида Renault-Nissan (67,13%) ва «Ростех» давлат корпорацияси (32,87%) ушбу компаниянинг акциядорлари ҳисобланади.