АҚШнинг Колорадо-Спрингс шаҳрида шубҳали шахс уч кишини отиб ташлади. Полиция билан бўлган отишмада ўзи ҳам ҳалок бўлди, деб ёзмоқда The New York Post нашри.

Полиция ходимининг сўзларига кўра, ҳуқуқни муҳофаза қилиш органи ходимлари жиноятчини отиш ҳақида огоҳлантиришган. Аммо у полиция ходимларига қарата ўқ узган. Ана шундан сўнг отишма бошланган ва жиноятчи ҳалок бўлган.

Ходимнинг қўшимча қилишича, суриштирув ишларига мувофиқ шаҳарнинг бир нечта кўчаси кўздан кечирилган.

Гувоҳларнинг маълум қилишича, шубҳа остидаги шахс қўлида ўқотар қурол билан шаҳар кўчаларида югуриб юрган. Гувоҳлардан бири Мэтт Эбширнинг айтишича, у уйи деразасидан бир эркакнинг қўлидаги қуроли билан кимнидир отиб ташлаганининг шоҳиди бўлган.