Россия ҳарбий-коинот кучлари (ҲКК) Сурияда террорчиларга қарши лазер қурилма билан жиҳозланган кучли КАБ-1500 авиацион бомбаларини қўллашни бошлади. 31 октябрда журналистлар кўз ўнгида Су-34 бомбардимончи самолётига КАБ-1500 бомбаси ўрнатилди.

“Бу бомбалар юқори аниқликка эга экани билан фарқланиб туради. Уларга мўлжалга ўз-ўзидан тўғриловчи лазер қурилма ўрнатилган”, деб айтди ҲКК расмий вакили Игорь Климов. Климовнинг айтишича, бомба ер ости бункерлари ва темир-бетон панагоҳларга зарба бериш учун қўлланади. Унинг жанговор қисми капсуласи 3 метр қалинликдаги томларни теша олади ва ер остига 20 метргача кира олади.

Климовнинг таъкидлашича бундай бомбалар шаҳарларга ташланмайди. Улар алоҳида муҳим нишонларни йўқ қилиш учун ишлатилади. Бундай ракеталар аввал Афғонистон ва Чеченистонда ишлатилган.

Маълум қилинишича, ОАВ вакиллари олдида бомба билан жиҳозланган Су-34 самолёти жангарилар позициялари жойлашган Сурия шарқига вазифани бажаргани учиб кетган.

Бир неча кун аввал ОАВларда Суриядаги операция туфайли Россиядаги ракета ишлаб чиқарувчи заводлар уч сменада ишлашларига тўғри келаётгани маълум қилинганди.