Мисрдаги Metrojet («Когалимавиа») авиакомпанияси самолёти ҳалокати билан боғлиқ Санкт-Петербургдаги мотам тадбирлари муҳлати яна икки кунга узайтирилди. Бу ҳақда Санкт-Петербург губернатори Георгий Полтавченко маълум қилган.

Россия президенти 1 ноябрни Мотам куни деб эълон қилганди.

Эслатиб ўтамиз, 31 октябрь, шанба куни Мисрда Metrojet («Когалимавиа») авиакомпаниясининг Шарм-аш-Шайхдан Санкт-Петербургга учаётган Airbus A321 лайнери ҳалокатга учради. Самолёт бортида бўлган 224 кишининг барчаси ҳалок бўлди. Авиаҳалокатга техник носозликлар сабаб бўлган бўлиши мумкин.