"Реал" клуби футболчилари Карим Бензема ва Гарет Бэйл Чемпионлар лигасидан ўрин олган "ПСЖ"га қарши баҳсда майдонга туша олишмайди. Бу ҳақда Marca хабар тарқатган.

Ҳар икки футболчи ҳам жароҳатларидан тикланишга улгуришмаган. Бэйл Испания чемпионатининг 8-туридан ўрин олган "Леванте"га қарши баҳсда жароҳат олганди. Бензема эса Франция терма жамоаси таркибида жароҳатланган.

Дарвозабон Кейлор Навас, ҳимоячилар Пепе, Серхио Рамос, Альваро Арбелоа, ярим ҳимоячилар Лука Модрич ва Хамес Родригес учрашув қайдномасидан ўрин олишлари мумкинлиги хабар қилинмоқда.