Хитой миллий банки 30 октябрь куни Шанхай эркин савдо зонасида аҳолига савдоларда хориж активларини сотиб олиш ва юанда хорижий компаниялар облигацияларини очишга имкон берадиган синов дастури ишга турилиши ҳақида маълум қилган эди.

Bloomberg агентлигининг маълум қилишича, Халқ банкининг бошқа ташаббуслари Хитой компанияларига савдоларда қатнашиш ва халқаро компаниялар билан ҳамкорликда қўшма муассасалар ташкил этишга ижозат беради.

Бу каби чоралар 2015 йил август ойида юаннинг йирик миқёсли девалвацияси рўй бериб, икки ой давомида фонд бозори алғов-далғов ҳолатга тушиб қолганидан сўнг амалга оширилди. Сармоядорлар сентябрь ойида мамлакатдан 194 млрд долларни олиб чиқиб кетди, 2015 йилдаги капитал оқими эса 669 миллард долларга қадар етди.

Шу сабабдан икки ой давомида Хитой халқ банки капитал оқимини камайтириш мақсадида 137 млрд долларлик олтин захирасини ишга солди. Хитойнинг жами захираси эса 3,5 трлн долларни ташкил этади.