Остона суди “Ироқ ва Шом ислом давлати”ни расмий равишда террорчилик ташкилоти деб тан олди. Бу ҳақда Қозоғистон Республикаси Бош прокуратурасининг ҳуқуқий статистика ва махсус ҳисобот қўмитаси сайтида маълум қилинган.

Маълумот Қозоғистонда террорчилик характерига эга ташкилот ва ҳаракатлар рўйхатига киритилди.

Айни пайтда, Қозоғистон Республикасида ана шундай характерга эга 7 ташкилот рўйхатга олинган бўлиб, улар орасида “Ал Қоида”, “Толибон” ҳаракати, “Мусулмон биродарлари” ва шунга ўхшаш бир қанча террорчилик ташкилотларини учратиш мумкин.

Қозоғистон ҳуқуқий статистика ва махсус ҳисобот қўмитасининг маълумотига кўра, 2014 йилда “Ироқ ва Шом ислом давлати” ва “Абдуллоҳ Шомил: Биз Ислом давлатини қайта қурамиз” каби экстремистик руҳдаги адабиётларни Қозоғистон ҳудудида чоп этиш, тарқатиш қатъян тақиқланган эди.