Қозоғистондаги "Астана" номли халқаро аэропортга АҚШ Давлат котиби Жон Керрини олиб учган самолёт қўнди. Бу ҳақда Казинформ хабар берди.

У 1 ноябрь куни Самарқанд шаҳрига уюштирган расмий ташрифини якунлаши биланоқ, Остонага парвоз қилган.

Жон Керри Марказий Осиё мамлакатлари бўйлаб сафари давомида ўзаро ҳамкорликни кенгайтириш ва мустаҳкамлаш мақсадида муҳокамалар ўтказмоқда.

У Остонада Қозоғистон президенти Нурсултон Назарбоев билан учрашиб, Америка-Қозоғистон Стратегик шериклик диалогида иштирок этади. Шунингдек, у Назарбоев номидаги университетда Марказий Осиё мамлакатларининг глобал масалалардаги ўрни ҳақида нутқ сўзлайди.

Сафарини Қирғизистондан бошлаган ва Ўзбекистонда давом эттирган Жон Керри Қозоғистондан кейин Тожикистон ва Туркманистон давлатларига ҳам ташриф буюришни режалаштирган.

Қайд этиш керакки, бу Керрининг Марказий Осиёга илк ташрифи бўлди.