Керри: АҚШ Суриядаги ҳаракатларини Россия билан келишган ҳолда амалга оширмоқчи

Жаҳон 02 Ноябрь 2015 3252

АҚШ Суриядаги ҳаракатларини Россия билан келишган ҳолда амалга оширмоқчи, бироқ ҳамкорликнинг кенгайтирилиши Москванинг ҳаракатларига, жумладан ихтилофнинг сиёсий ечимини излашга қаратилган қадамларига боғлиқ. Бу ҳақда АҚШ Давлат котиби Жон Керри айтиб ўтди.

“Қудратли давлатларнинг ривожланган ҳарбий-ҳаво кучлар билан ўзаро ҳаракатлари жуда зарур. Сиз битта ҳаво ҳудудида олдиндан келишилмаган ҳолда учишни истамайсиз. Албатта, биз ўз ҳаракатларимизни Россия билан келишган ҳолда амалга оширмоқчимиз, бироқ фақатгина шу билан чекланиб қолишни истамасдик. Биз кўпроқ нарсани истаймиз, бироқ бу Россияга, у томонидан тинчликка эришишнинг сиёсий томонлари бўйича қабул қиладиган қарорларга боғлиқ. Биз президент Асаднинг келажагини муҳокама қилишимиз, сиёсий ечимни топишимиз керак”, деб айтди Керри.

АҚШ Давлат котиби ўтган ҳафта охирида Венада Сурия масаласи бўйича “навбатдаги сермаҳсул йиғилиш” бўлиб ўтганини эслатиб ўтди.

“Россия ҳам, АҚШ ҳам тинчликка эришишнинг сиёсий ечими томон илдамлаша олишди. Биз ҳамкорлик қилмоқчимиз, қарама-қаршилик эмас, бироқ бу Россия амалга оширадиган танловга боғлиқ. Россия Сурияда сиёсий ечимни топишни истамагани ёки Асад тузумини қўллаб-қувватлаётгани учун ҳаракат олиб бормоқдами?”, деб таъкидламоқда Керри.

“Агар Москванинг ягона мақсади Асад тузумига ёрдам бериш бўлса, унда у бунга эриша олмайди. Чунки Туркия, Қатар, Саудия Арабистони, Сурия муҳолифати Асадга қарши курашини тўхтатмайди, урушни якунлашнинг ягона варианти жаноб Асадга янги ҳукуматни тузишга қаршилик кўрсатмасликни таклиф қилишдан иборат. У шу тариқа ўз давлатини қутқаришга ёрдам бериши мумкин. Россиянинг фақатгина тузум учун у ерда бўлиши минтақада муаммо яратмоқда”, деб айтди Керри.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24311 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 53248 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 64705 Жамият
Россия ТИВ раҳбари БАА, Кувайт ва Қатар етакчилари билан Форс кўрфази инқирозини муҳокама қилади
13:47 163 Жаҳон
Икки вилоятда ҳокимнинг туризм бўйича ўринбосарлари тайинланди
13:26 1212 Жаҳон
Тошкентда «Мутахассислик ва илмий тадқиқот маркази» тузилади
Туркияда автобус иштирокида ЙТҲ юз берди, беш киши ҳалок бўлган
13:19 744 Жаҳон
Деҳлида Ҳиндистон савдо ва саноат давлат вазири билан учрашув бўлиб ўтди
Иқтисодиёт вазирида 2 нафар биринчи ўринбосар бўлади
Мбаппе яқин вақт ичида «ПСЖ» аъзосига айланади
12:56 1874 Спорт
Кўпроқ янгиликлар