Фейсбукдаги “Жамоатчилик назорати” гуруҳига фойдаланувчилардан бири Навоийда фуқароларга келган билдиришнома суратини жойлаштирди. Бу ҳақда uz24.uz нашри хабар ёзган.

“Жорий йилнинг ёз мавсумида 2015-2016 йил куз-қиш мавсуми даврида ҳаво ҳароратининг кескин пасайиб кетиши мумкинлиги ва ҳудудда табиий газнинг бўлмаслиги тўғрисида огоҳлантирилгансиз.

Шу муносабат билан ҳокимлик ва мутасадди ташкилотлар томонидан аҳолини куз-қиш мавсумини беталофот ўтказиши мақсадида ҳудуддаги фуқаролар йиғини орқали ҳар бир тоннасининг нархи 134 минг сўмдан (транспорт ҳаражатисиз) бўлган кўмир ёқилғиси ҳамда суюлтирилган газ баллони билан таъминлаш ташкил этилган (суюлтирилган газ баллони ижарага берилиб, фақатгина суюлтирилган газ учун 9 минг сўм тўлов амалга оширилади)”, дейилади билдиришномада.

Билдиришнома сўнггида фуқаролардан мазкур тавсияларни инобатга олиш сўралган.