ОАВ: Туркия давлат банки россиялик тадбиркор Телман Исмоиловнинг Mardan Palace меҳмонхонасини 128 млн долларга сотиб олди

Жаҳон 02 Ноябрь 2015 3377

Россиялик тадбиркор, Москвадаги Черкизов бозорининг собиқ ҳамэгаси Телман Исмоиловнинг ҳашаматли Mardan Palace меҳмонхонаси Туркиянинг “ХалқБанк” (Halkbank) давлат банкига сотилди. Банк меҳмонхонани дастлаб эълон қилинган нархнинг тенг ярмидаги нархга сотиб олди.

Турк матбуотининг хабар беришича, меҳмонхона раҳбарияти меҳмонхона учун 719 млн лира (256 млн доллар) олишни мўлжаллаган эди, бироқ савдо натижаларига кўра уни 128 млн долларгагина сота олди.

“ХалқБанк” меҳмонхонани сотиб олишга тайёр бўлган ягона харидор бўлди. Банк меҳмонхонага тўланадиган пулнинг бир қисминигина унинг эгаларига, қолган 74 млн долларни эса “Гаранти Банк”ка (Garanti Bankası) меҳмонхонанинг қарзларини қоплаш учун тўлайди. Ушбу банк меҳмонхонанинг асосий кредитори бўлган.

“Етти юлдузли” меҳмонхона Анталияда 2009 йил 23 майда очилган эди. Меҳмонхона очилиши маросимига Шерон Стоун, Ричард Гир, Моника Белуччи, Том Круз ва Мэрайя Кери каби жаҳон юлдузлари ташриф буюрганлар. Мҳмонхонада кўплаб юлдузлар ва хорижий давлатлар етакчилари тўхташган.

Турли маълумотларга кўра, меҳмонхона қурилиши Исмоиловга 1,4 млрд долларга яқин суммага айланган. Меҳмонхонанинг пляжига 9 минг тонна тилларанг миср қуми олиб келинган. Бино ичини безашда бир неча тонна олтин, қимматбаҳо безак тошлари ва мармар ишлатилган. Меҳмонхона ертўлаларида қимматбаҳо ноёб винолар сақланади, бундан винонинг бир шишаси бир неча минг доллар туради.

Ҳаммаси бўлиб меҳмонхонада турли типдаги 560 та хона бўлиб, улар орасида “шоҳона” ва “президент” апартаментлари ҳам бор.

Охирги маҳал меҳмонхона молиявий қийинчиликларга дуч келаётган эди: у ўзининг асосий кредиторлари Halkbank ва Garanti Bankası олдида катта қарздорлиги бор эди. Меҳмонхона қарзлари бўйича судда 67та иш қўзғатилган эди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14565 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11574 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47107 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8466 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 380 Жамият
Макка шаҳридаги меҳмонхоналардан бирида ёнғин чиқди
16:40 2194 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 2393 Lifestyle
Кўпроқ янгиликлар