Бугун, 2 ноябрда Олмаотада қалин қор ёғди. Маҳаллий вақт билан соат 08.00 даги ҳолатга кўра, шаҳарга ёққан қор қалинлиги 7-10 см ни ташкил қилди. Қор шаҳарда дарахтларнинг ағанашига олиб келди. Шаҳарнинг бир неча тезкор хизматлари, шаҳар акими маъмурияти берган маълумотларга кўра, дарахтлар қулаши оқибатида 12 та машина шикастланган, деб хабар бермоқда Zakon.kz нашри.

“2 ноябрда соат 07.00 дан бошлаб “109” қутқарув хизматига аҳолидан 35 та мурожаат тушди. Қалин қор ёққани туфайли шаҳарда шоҳ-шабба, дарахтлар ағдарилди, улардан баъзилари йўл четидаги автомобилларга шикаст етказди. “109” хизмати туман акимиятлари билан ҳамкорликда шоҳ-шаббаларни кесиш, ағдарилган дарахтлардан ҳудудларни тозалаш ишлари билан шуғулланмоқда”, деб айтилди қутқарув хизматида.
Аҳоли орасида ҳеч ким жабрланмаган.

Шу муносабат билан шаҳар маъмурияти шаҳар аҳолиси ва меҳмонларни жуда эътиборли бўлишга, дарахтлар остида турмаслик ва машиналарни қўймасликка чақирди.