Қозоғистоннинг Актобе вилояти, Темир туманида яшовчи 26 ёшли ҳомиладор аёлни инсульт бўлгач, қутқариб қолинди. Айни дамда она ва боланинг ҳаёти хавфдан холи.

Гульзада Акбалина ўша пайтда икки боласи билан ёлғиз уйда эди, турмуш ўртоғи иш юзасидан шаҳарда эди, деб ёзади “Диапазон”.

У синглисининг тўйига тайёргарлик қилаётган эди. Кечга келиб, Гульзаданинг аҳволи оғирлашди: бошида қаттиқ оғриқ турди ва ҳушидан кетди. Яқинлари “тез ёрдам” чақиришди. Аёлни туман шифохонасига элтишди.

“Тонг саҳарда туман шифохонасига ётқизилган беморнинг аҳволдан бохабар бўлиш учун бизни у ерга элтишди. Бошида биз ҳомиладорликка оид тутқаноқ деб ўйлаган эдик. Кейин маълум бўлдики, бемор мияга қон қуйилиши оқибатида шифохонага ётқизилган экан. Биз уни дарров шаҳар шифохонасига ётқизишга қарор қилдик”, – деди вилоят акушер-гинекологи Жулдыз Оралбаева.

Бўлиб ўтган операция муваффақиятли ўтди ва унга кўз ёришига рухсат берилди. Барча керакли чоралар кўрилди ва онадан туғилган қизалоқ соғлом дунёга келди.