Россия авиакомпаниялари “Когалимавиа” авиакомпаниясининг лайнери фалокатга учрагандан кейин Синай яримороли шимолидан парвозлар амалга оширишдан бош тортмоқдалар.

Бундан FlightRadar24 авиацияга бағишланган порталидаги маълумотлар дарак бермоқда. Гап “Уральские авиалинии”, “Катэкавиа”, Nordwind (“Северний ветер”), Ifly авиакомпаниялари ҳақида кетмоқда. 

Энди бу авиакомпаниялар самолётлари бошқа узунроқ йўналиш бўйича учадилар. Мисол учун Шарм-ал-Шайҳдан Москвага йўлга кетадиган вақт 10 дақиқага узаяди.

Авиакомпаниялар парвоз йўналиши борасида қарорларни ўзлари мустақил қабул қиладилар, деб айтилмоқда Росавиацияда.

Аввалроқ Синай яримороли устидан Air France, Lufthansa ва Emirates Airlines авиакомпаниялари парвозларни амалга оширишни тўхтатишга қарор қилганлари маълум қилинганди. Британиянинг British Airways авиакомпанияси Шарм-ал-Шайҳга парвозларни амалга оширишни давом эттиришини, бироқ ҳар бир парвоз олдидан хатарларни батафсил тарозига солиб кўришини малум қилди.     

Давлатлараро авиация қўмитаси ижрочи директори Виктор Сороченко самолёт қулаган жой дастлабки кузатувдан ўтказилгандан кейин авиафалокатнинг бирорта тахминини инкор этишга ҳозирча асослар йўқлигини айтди.