Украинанинг «Днепр» клуби манзилига Франциянинг «Сент-Этьенн» жамоаси номидан украиналик мухлислар учун мўлжалланган чипталар сотувга чиқарилмаслиги тўғрисида хат келди. Бу ҳақда украин клуби расмий сайти хабар тарқатди.

Манбада ёзилишича, француз полиция тавсиясига асосан мазкур қарорга келинган. Улар юзага келиши мумкин бўлган оммавий тартибсизликлар олдини олиш мақсадида шундай чора қўллашни маъқул кўришган.

Маълумот учун, ўтган йили Сент-Этьеннда бўлиб ўтган учрашувда иккала жамоа ишқибозлари ўртасида тўқнашувлар юзага келган, бир нафар «Днепр» мухлиси жароҳат олганди. Икки нафар франциялик мухлис 2-3 йил давомида стадионга кириш ҳуқуқидан маҳрум қилинганди.