АҚШнинг Sprint телекоммуникацион компанияси харажатларни қисқартириш ва 2,5 млрд доллар тежаш мақсадида ўз ходимларини бепул сув, снэк ва йогуртдан маҳрум қилди. Компания бош директори Марсело Клауренинг ўз ходимларига бу ҳақдаги мурожаати Wall Street Journal нашри ихтиёрига келиб тушди. 

2015 йилнинг бошида компания ходимлари яхшироқ бепул егулик билан таъминланган эдилар. Бу компанияга йилига бор-йўғи 600 минг долларга айланиши тахмин қилинмоқда эди. Бироқ компанияда молиявий директор операцион харажатларни 2,5 млрд долларга қисқартириш зарурлигини айтгандан кейин ҳар бир долларни тежашга қарор қилинди.

Бундан ташқари, компания раҳбари директорлар учун ҳам тежамкорлик чораларини киритди: энди улар сафарларда лимузинларга буюртма бера олишмайди. Энди топ-менежерлар фақатгина такси ёки Uber такси хизматидан фойдалана олишади.

Бироқ ходимлар йогурт ва сувдан маҳрум бўлганларидан ҳам ёмонроғи улар суғуртадаги баъзи бандлардан ҳам маҳрум этилдилар. Шунингдек, ходимлар ишдан бўшатилганда уларга бериладиган товон пули ҳам камайтирилди. Эҳтимол, компаниянинг кейинги қадами ходимлар сонини қисқартиришдан иборат бўлса керак, деб таъкидламоқда нашр.

Нашрнинг маълумотларига кўра, Sprint’нинг харажатлари ўзининг асосий рақобатчилари T-Mobile, Verizon ва AT&T’никидан “бир неча пунктга кўпроқни” ташкил қилади.