Тошкент шаҳрида рўйхатдан ўтиб, озиқ-овқат маҳсулотлари сотиш билан шуғулланган Malika-Bonu-Savdo МЧЖ омбор мудири Темур Ашуралиев ноқонуний олди-сотди қилганликда айбланиб, ҳибсга олинди. Бу ҳақда “Ҳуқуқ” газетаси хабар бермоқда.

Айтилишича, у МЧЖ раҳбаридан яширган ҳолда 8.7 млн сўмлик шоколад, 15.54 млн сўмлик кетчуп ва 7 млн сўмлик консерваланган жўҳори ва бодринг сотиб юборгани аниқланган. Савдодан тушган пулларни у ўз эҳтиёжларига ишлатган. Унинг тадбиркорлик субъектларига етказган зарар 31 млн сўмдан ортиб кетган.

Суд Ашуралиев ўта оғир бўлмаган жиноятни содир этганлигини инобатга олган ҳолда унга нисбатан очилган жиноят ишини тугатиш ҳақида ажрим чиқарди.