Туркия бош вазири Аҳмет Довудўғлу ўзи етакчилик қиладиган Адолат ва тараққиёт партияси парламент сайловларида ғолиб бўлгандан кейин мамлакат сиёсий партияларини янги конституцияни шакллантиришга чақирди, деб хабар бермоқда Reuters ахборот агентлиги.

“Мен парламентга кирадиган барча партияларни янги миллий конституцияни шакллантиришга чақираман”, деб айтди Довудўғлу партия тарафдорларига мурожаати пайтидаги нутқида.

Довудўғлу Туркиянинг тарангликни камайтириш ва ихтилофларга йўл қўймаслик томон ҳаракатланишида биргаликда иш олиб боришга чақирди.

Туркиянинг ҳукмрон Адолат ва тараққиёт партияси сайловларда 49,36 фоиз овоз билан ютди.