Туркияда парламент сайловлари якунланди. Парламент сайловлари овоз бериш бюллетенларининг 42 фоизи ҳисоб-китоб қилингандан кейин Туркия ҳукмрон партияси 53 овоз тўплаган ҳолда етакчилик қилмоқда, деб хабар берди твиттерда CNN Turk телеканали.

Қайд этилишича, сайлов ҳеч қандай нохуш воқеаларсиз ўтди.

Сайлов натижаларига кўра, Туркия президенти Ражаб Тойиб Эрдўғаннинг ҳукмрон Адолат ва тараққиёт партияси парламентдаги кўпчиликни сақлаб қола олиши маълум бўлади. Партия бу ҳукмронликни 13 йилдан бери ўз қўлида ушлаб келмоқда.