Япониянинг Кобе портида сув сиғими 4200 тонна бўлган "Сэкирю" дизель-электр сув ости кемаси сувга туширилди. У Kawasaki Shipbuilding корпорациясининг кемасозлик верфида тайёрланди.

"Сэкирю"нинг узунлиги 84 метрни ташкил этиб, кема-кема синфига оид “гарпун” ракеталарини отишга мўлжалланган 6та торпеда ускунаси билан қуролланган.
Мутахассисларнинг фикрича, бу дунёдаги энг яхши субмариналардан бири ҳисобланган "Сорю" синфига оид саккизинчи сув ости кемадир.

У сув остида узоқ муддат юриши бўйича атом сув ости кемалари хусусиятларига яқин ва овоз чиқармаслиги билан анчагина фарқ қилади. Айни пайтда Австралия ўз верфларида Япония билан ҳамкорликда худди шундай сув ости кемаларини ишлаб чиқариш имкониятларини кўриб чиқмоқда.
Шу билан Токио ўз флотида 16та жанговар ва 2та ўқув сув ости кемаларига эга бўлди.