Қозоғистон фонд биржаси (KASE) маълумотларига кўра, АҚШ долларининг ўртача даражаси 283,23 тенгега етди. Бу рекорд даражадаги қийматни янгилаш учун яна 75 тийин кифоя қилади, деб хабар бермоқда Nur.kz мухбири.

Эслатиб ўтамиз, Қозоғистон тарихида АҚШ долларининг тенгега нисбатан энг юқори кўрсаткичи жорий йилнинг 16 сентябрь куни қайд этилган эди. Ўшанда маҳаллий биржанинг тонгги сессияси бўйича 1 АҚШ долларининг қиймати 283,98 тенги этиб белгиланганди.

Шундан сўнг, пул айирбошловчилар доллар нархини ошира бошлашди. Қозоғистоннинг айрим жойларида курс қиймати 300 тенгига қадар кўтарилганди.

Қозоғистон миллий банки буларнинг барини чайқовчилик ҳужуми деб атади. Шундан сўнг мамлакатда АҚШ долларининг тенгега нисбатан қийматини шу вақтга қадар 270 тенгега “ушлаб туришган” эди.