АҚШ давлат котиби Жон Керри ўтказган Марказий Осиё турнесидан кўзланган асосий мақсад минтақа мамлакатлари билан ҳамкорликни ўрнатиш ва мустаҳкамлашдир. Бу ҳақда Жон Керри “Мир” телеканалига берган интервьюсида айтиб ўтди.

“Асосий сабаб давлатлар ўртасида алоқалар ўрнатиш, бунинг самарадорлигини таъминлашдир, - деди у, телеканалнинг Остона филиали директори Асқар Алимжоновнинг 5+1 формати ҳақидаги саволга жавоб берар экан. – Мен бу ерга хавфсизлик ҳамда террорчиликка қарши кураш, Афғонистон ва бошқа муаммолар устида ишлаш учун келдим”.
Унинг таъкидлашича, АҚШ ва Марказий Осиё давлатлари ўртасидаги алоқаларнинг ўрнатилган 5+1 формати ушбу давлатлар фуқароларининг умумий манфаатларини ҳимоя қилишга хизмат қилади.

“Мен бу ердаман, негаки бизнинг фуқароларимизга имкониятлар яратиш борасидаги манфаатларимиз умумийдир. Биз барча давлатлар билан ишлашга тайёрмиз, улар қўшни бўлса ҳам, биздан кўп миль узоқда бўлса ҳам, масалан, Корея ёки Япония билан ишлашга тайёрмиз”, - таъкидлади АҚШ дипломатияси раҳбари.