Биринчи араб суперкари ҳисобланмиш Lykan Hypersport’ни яратган Ливаннинг W Motors компанияси янги моделни дебютга тайёрламоқда. Унинг номи Fenyr SuperSport бўлиб, 10 ноябрь куни Дубайдаги халқаро моторшоуда намойиш этилади.

Янги модель Magna Steyr корпорацияси ҳамда Германиянинг RUF тюнинг ательеси билан ҳамкорликда ишлаб чиқилди. Суперкар кузови бутунлай карбондан тайёрланади, мотор эса минг от кучига эриша олади. Моделнинг массаси 1.2 минг кг ни ташкил қилади.
Модель ҳақида бошқа маълумотлар ҳозирча йўқ. Кутилишича, суперкар 25 нусхада чиқарилади. Ҳар бир машинанинг нархи 1 млн доллардан ошади.

Марканинг биринчи модели – Lykan Hypersport 6 цилиндрли 3.7 л ли, 750 от кучига эга оппозитли битурбо мотор билан жиҳозланган бўлиб, у 6 диапазонли секвентал трансмиссия билан уйғунликда ишлайди. Машина 2.8 секундда 100 км/соат, 9.4 секундда 200 км/соат тезликка эришади. Максимал тезлиги – 390 км/соат.