2015-2019 йилларда Навоий тоғ-металлургия комбинати тизимида умумий қуввати 3 мВт га тенг фотоэлектрик станциялар қурилиши мўлжалланмоқда. Бу ҳақда “Навоий тоғ-металлургия комбинати” давлат корхонаси департамент директори Шавкат Мадаминов баёнот берди.

“Навоий тоғ-металлургия комбинатида 1 149 қуёш коллекторидан самарали фойдаланилмоқда. Ўтган йили комбинат қошида фаолияти юритаётган “Дўстлик” агрофирмасида паррандачилик ва чорвачиликни ривожлантириш мақсадида кунига 400 кубометр газ ишлаб чиқара оладиган биогаз қурилмаси ўрнатилди”, - унинг сўзларини келтиради ЎзА.
Бундан ташқари, хабар қилинишича, комбинатда ёқилғи-энергетик ресурсларни тежаш борасида кенг миқёсли ишлар олиб борилмоқда.