Нукусда миллионлаб пулларни алдов йўли билан қўлга киритган фирибгар қўлга олинди

Жамият 03 Ноябрь 2015 2127

Нукусда миллионлаб пулларни алдов йўли билан қўлга киритган фирибгар қўлга олинди. Бу ҳақда “Ҳуқуқ” нашри ёзмоқда.
Айтилишича, фуқаро Амин Искандеров турли йўллар билан одамларнинг ишончига кириб, улардан пулларни олган ва шу билан қайтариб бермай, уларнинг ҳаётидан “йўқолиш”га интилган. Жумладан, А. Караматдиновнинг ишончига кириб, ундан 81 млн сўмни олган, бу пулларнинг каттагина қисмини қайтариб бермаган. А. Ниетуллаевадан 10 минг доллар олиб, қайтариб бермаган. Бундан ташқари, у яна бир қанча инсонларнинг кичикроқ миқдордаги пулларини ўзлаштирган.
Фирибгар қўллаган схема жуда содда: бадавлат инсонларнинг ишончига кириш, сўнг уларнинг “пулли” илтимосларини бажариш, масалан, бир шаҳардан бошқасига валюта ёки катта миқдордаги пулни етказиб бериш. Мана шу паллада қўлга каттароқ пул келиб тушганида ушбу маблағни ўзлаштириш.
Кўплаб жабрланган инсонларнинг тегишли жойларга йўллаган аризаси асосида Искандеров қўлга олинди. Ўтказилган тергов жараёнида унинг кўпчилик жиноятлари фош этилди. Натижада у барча ўзлаштирилган пулларни эгаларига қайтарадиган бўлди.

Кўпроқ янгиликлар