Тошкентнинг Олмазор туманида аборт учун мижоздан 300 доллар олган шифокор ҳибсга олинди. Бу ҳақда “Ҳуқуқ” нашри ёзмоқда.

Айтилишича, фуқаро Марина Маленко иккинчи боласига ҳомиладор бўлган пайтда эри қамалиб кетган. Шу боис у дугонаси Элмирага мурожаат қилиб, ҳомилани олдириш учун яхши гинеколог топишни сўраган.

Элмира шифокор Фарида Бурхановага мурожаат қилганида дастлаб у ҳомиланинг 12-13 ҳафталик экани, шу боис уни олдириш хавфли эканлигини айтган, аммо Элмирадан 300 доллар олиб, фикрини ўзгартирган ва ҳужжатларга ўзгартириш киритган.

Операциядан олдин у Элмирага яна мурожаат қилиб, дори-дармон учун қўшимча равишда яна 200 минг сўм сўраган. Бу пулларни олаётганида шифокор ўз кабинетида қўлга олинди.
Суд томонидан Фарида Бурханова жарима ҳамда шикофорлик фаолияти билан бир йил мобайнида шуғулланиш ҳуқуқидан маҳрум қилишга ҳукм қилинди.