АҚШ Мудофаа вазирлиги Афғонистонда битта автомобилларга ёнилғи қуйиш станцияси қурилишига 43 миллион доллар сарфлаб, энди шунча маблағнинг нима мақсадда ишлатганига изоҳ бера олмаяпти. 2 ноябрь куни Афғонистонда реконструкция масалалари бўйича АҚШ бош инстпектори Жон Сапко ҳисоботида ушбу савол ўртага ташланди.

“Мудофаа вазирлиги америкалик солиқ тўловчиларнинг 43 миллион доллар пулини дунёдаги энг қиммат ёнилғи қуйиш станциясини қуриш учун ўзлаштирди”, - дея тасдиқлади Сапко.
Гап 2011 йилда Шибарганда қурилиши бошланган объект ҳақида кетмоқда. Америкаликлар мазкур ноодатий бензоколонка орқали маҳаллий аҳолига машиналарга сиқилган табиий газ қуядиган шохобча аслида қандай бўлиши кераклигини кўрсатиб қўймоқчи бўлишган.

Дастурнинг умумий қиймати 800 миллион долларни ташкил этиб, март ойида бекор қилинган. Бу вақтга қадар эса 43 миллион “сарфлаб” бўлинган. “Ростини айтганда, бу аблаҳона иш”, - изоҳ берди инспектор.
Вазият худди шундай объект қурилиши қўшни Покистонда бошланганидан сўнг янада кучайди. Ҳар битта шундай станция қурилиши учун бу ерда 500 минг доллардан камроқ пул сарфланган, яъни Американинг Афғонистондаги станциясидан 140 баробар арзонроққа тушган.